Yeh Duniya Khubsurat Thi Kabhi
September 5, 2010
Ye duniyan khubsoorat thi kabhi, bekhauf rahen thin
Thi apni sarhaden lambi, badi chaudi simayen thin
Parinde apni galiyon me kabhi chahat se aate the
Kabhi Jo geet sarhad paar me bhi Gaye jate the
Bada be aabru hai ye jamana, ab raas Na aaye
Yahan ab har taraf katil nigahen khojti unko
Kabhi Jo sath khele the gharaunde ko banane me
Abhi VO baj Na aate hai koi ghar jalane me
Nafrat si hoti hai faqat ab sun ke bhi jisko
VO mandiron ki ghanti, Jo kabhi man KO lubhati thi
Dilon KO chir deti hai, lage jaise koi kolahal ho
VO masjid ke surile taan, Sufi Santo ki VO batein,
Macha hai maut ka matam, hai pasra khun ka manjar
Kabhi Hui babari banjar, ram ke nam pe khanjar
Dharma kis kaam ka, Jo kaum pe hi bhari pad jaye
Faqat insaan VO, insaniyaat ke kam Jo aaye
Lahu ke rang ek hain, ye dhadkan ek jaisi hai
Hamare dil ke kone me, vajah nafrat ki kaisi hai?
Tum mulyo se mat khelo, sahishnu hon, ye baat sacchi hai
Yehan kuchh log sahme hain, per hamari kaum achhi hai
Yahan hai loktantra, log jiski aatma hain
Dharmnirpeksh hai ye desh phir ye jang kyun hai?
(Contributed by Rakesh Kumar)
